ایران و سعودی تناو میں کمی: فواد چوہدری
Feb ۱۴, ۲۰۱۹ ۱۲:۰۹ Asia/Tehran
پاکستان کا کہنا ہے کہ اسلامی ممالک کے آپس میں قریب سے قریب تر ہونے سے عالم اسلام کو فائدہ ہو گا۔
پاکستان کے اطلاعات و نشریات کے وزیر فواد چوہدری نے کہا ہے کہ ایران اور سعودی عرب کے مابین تناو دن بدن کم ہوتا جا رہا ہے اور ہماری کوشش ہے کہ ایران و سعودی عرب کے مابین تعلقات معمول پرآجائیں اس لئے کہ عالم اسلام کو اس سے فائدہ ہوگا اور وقت کی ضرورت بھی یہی ہے کہ اسلامی ممالک آپس میں قریب سے قریب تر ہوں۔
انہوں نےیمن میں پاکستانی فوج بھجوانے پر کہا کہ پاکستان باہمی اختلافات کو مذاکرات کی میز پر حل کرنے کا حامی ہے اور پاکستان کے وزیراعظم عمران خان نے اپنے سعودی عرب کے دورے میں سعودی شاہ سے گفتگو میں یمن میں سیزفائراوریمن تنازع کے حل پر تاکید کی۔