پاکستان میں جماعت الدعوة اور فلاح انسانیت فاؤنڈیشن پرپابندی
Feb ۲۲, ۲۰۱۹ ۰۷:۵۸ Asia/Tehran
حکومت پاکستان نے جماعت الدعوة اور فلاح انسانیت فاؤنڈیشن کو کالعدم تنظیم قرار دیتے ہوئے پابندی عائد کردی جس کے بعد دونوں تنظیموں کے بینک کھاتوں سمیت اثاثے منجمد کردیے گئے۔
پاکستانی میڈیا کے مطابق وزیراعظم عمران خان کی زیر صدارت قومی سلامتی کمیٹی کا اجلاس منعقد ہوا۔ اجلاس میں قومی سلامتی کمیٹی نے وزارت داخلہ کو ہدایت جاری کی کہ وہ جماعت الدعوۃ اور فلاح انسانیت فاؤنڈیشن کو کالعدم قرار دیتے ہوئے اثاثے منجمد کردے جس پر بعد ازاں وزارت داخلہ نے دونوں جماعتوں پر پابندی کا نوٹی فکیشن جاری کردیا۔
نوٹی فکیشن کے مطابق دونوں جماعتوں کو کالعدم قرار دیتے ہوئے ان کی ہرقسم کی سرگرمیوں پر پابندی عائد کردی ہے ساتھ ہی تنظیموں کے بینک اکاؤنٹس اور اثاثے منجمد کردیے گئے ہیں۔