SAHAR

 میڈیا رپورٹوں کے مطابق پاکستان کے وزیراعظم عمران خان نے کٹنرول لائن کے دورے کے موقع پر فوجیوں اور کنٹرول لائن کے قریب رہنے والے شہریوں سے ملاقات اور گفتگو کی۔ 

 انہوں نے ہندوستانی فوجیوں نے پر کنٹرول لائن کے قریب رہنے والے عام شہریوں کو جان بوجھ کر نشانہ بنانے کا بھی الزام عائد کیا۔

 پاکستان کے وزیراعظم نے کہا کہ ہندوستان کے زیرانتظام کشمیر میں رہنے والے کشمیریوں کو مسلسل بندشوں میں رکھنا، انسانی حقوق کی پامالی کی بدترین مثال ہے۔ 

 انہوں نے کہا کہ پاکستان کشمیری عوام کے ساتھ ہے اور ان کے حق خود ارادیت کی بھر پور حمایت کرتا ہے۔ 

پاکستانی فوج کے سربراہ جنرل قمر جاوید باجوا، وزیر دفاع پرویز خٹک، وزیر خارجہ شاہ محمود قریشی بھی کنٹرول لائن کے دورے کے موقع پر پاکستانی وزیر اعظم کے ہمراہ تھے۔