ہندوستان اور پاکستان کے درمیان فائرنگ کا تبادلہ
Sep ۱۴, ۲۰۱۹ ۱۵:۵۹ Asia/Tehran
کشمیر کی لائن آف کنٹرول پر فائرنگ کے تبادلے میں ایک پاکستانی فوجی جان سے ہاتھ دھوبیٹھا
پاکستانی فوج کے شعبہ تعلقات عامہ کے جاری کردہ بیان میں کہا گیا ہے کہ ہندوستانی فوجیوں نے جنگ بندی کے معاہدے کی خلاف ورزی کرتے ہوئے لائن آف کنٹرول پر فائرنگ کی جس میں ایک پاکستانی فوجی اپنی جان سے ہاتھ دھوبیٹھا-
ہندوستانی فوج نے دو روز پہلے بھی کشمیر کی لائن آف کنٹرول پر فائرنگ کی تھی جس میں ایک پاکستانی فوجی مارا گیا تھا۔
پاکستان اور ہندوستان نے سن دوہزار تین میں جنگ بندی کے معاہدے پر دستخط کیے تھے تاہم دونوں ممالک اکثر ایک دوسرے پر اس معاہدے کی خلاف ورزی کا الزام عائد کرتے ہیں۔ کشمیر کا معاملہ پاکستان اور ہندوستان کے درمیان جاری اہم ترین تنازعہ شمار ہوتا ہے۔