SAHAR

افغان سرحد کے قریب ہونے والے بم دھماکے میں دو پاکستانی فوجیوں کے مارے جانے کی خبر ہے۔

ہمارے نمائندے کی رپورٹ کے مطابق یہ دھماکا افغانستان سے ملحقہ پاکستانی سرحدی علاقے مہمند میں سڑک کے کنارے نصب ایک بم کے پھٹنے کی وجہ سے ہوا ہے۔ اس واقعے میں پاکستانی فوج کا ایک افسر اور ایک فوجی جوان مارا گیا۔

 پاکستان کی وزارت دفاع کے بیان کے مطابق یہ دھماکا اس وقت ہوا جب پاکستانی فوجی سرحد پر باڑھ لگا رہے تھے۔

پاکستانی فوج کے اعلان کے مطابق یہ بم سرحد پار دہشتگردوں نے نصب کیا تھا۔