SAHAR

پاکستان نے زمین سے زمین پر مار کرنے والے بیلسٹیک میزائل غزنوی کا کامیاب تجربہ کیا ہے

پاکستان کی فوج کے شعبہ تعلقات عامہ کی جانب سے جاری کردہ بیان میں کہا گیا ہے کہ بیلسٹیک میزائل غزنوی کے تجربے سے ملک کے میزائل نظام میں اضافہ ہوا ہے - آئی ایس پی آر نے کہا ہے کہ یہ میزائل دو سو نوے کلومیٹر تک مختلف اقسام کے وار ہیڈز لے جانے کی صلاحیت رکھتا ہے ۔ بیلسٹیک میزائل غزنوی کے نئے تجربے کے موقع پر پاکستان کے اعلی فوجی کمانڈران بھی موجود تھے اور ان فوجی کمانڈروں نے دفاعی ماہرین کی مہارتوں کی تعریف کی - آئی ایس پی آر کے بیان میں کہا گیا ہے کہ تربیتی مشق کے طور پر کئے گئے میزائل تجربے کا مقصد آرمی اسٹریٹیجک فورسز کمانڈ کی آپریشن تیاریوں کو آزمانا تھا -