SAHAR

میڈیا رپورٹوں کے مطابق دھماکہ شارع عدالت پر قائم پریس کلب کے قریب جاری احتجاج کے دوران ہوا۔ دھماکے سے متعدد گاڑیوں کو بھی نقصان پہنچا ہے۔ 

بلوچستان حکومت کے ترجمان نے واقعے میں آٹھ افراد کے مارے جانے کی تصدیق کردی ہے۔ سیکورٹی حکام نے دھماکے کی نوعیت کے حوالے سے فی الحال کچھ کہنے سے گریز کیا ہے تاہم رپورٹوں میں حکام کے حوالے سے بتایا گیا ہے کہ یہ خودکش حملہ معلوم ہو رہا ہے۔ 

قبل ازیں دس جنوری کو کوئٹہ کے علاقے سٹیلائٹ ٹاون کی مسجد میں دھماکے سے ڈپٹی سپرنٹنڈنٹ پولیس امان اللہ سمیت پندرہ افراد مارے گئے تھے۔ پاکستان کے وزیراعظم، صدر مملکت، وزیرداخلہ، قائد حزب اختلاف اور وزیراعلیٰ سندھ نے کوئٹہ میں ہونے والے دھماکے کی مذمت کی ہے۔