SAHAR

ایران کی نوجوانوں پر مشتمل فری اسٹائل کشتی کی ٹیم نے جمہوریہ آذربائیجان کی ٹیم کو شکست دے کر یادگار امام خمینی بین الاقوامی فری اسٹائل کشتی کپ اپنے نام کر لیا۔

جمعے کے روز ایران کے شہر قم میں فری اسٹائل کشتی کے بین الاقوامی مقابلوں کے فائنل میں ایران کی اے ٹیم نے جمہوریہ آذربائیجان کو تین کے مقابلے میں سات پوائنٹ سے شکست دی اور پہلا مقام حاصل کیا۔
دوسرا مقام جمہوریہ آذربائیجان کو ملا جبکہ ترکی اور آرمینیا کی ٹیموں نے تیسرا اور چوتھا مقام حاصل کیا۔
فری اسٹائل کشتی کے بین الاقوامی مقابلوں میں ایران کے علاوہ عراق، تاجکستان، جمہوریہ آذربائیجان، کرغیزستان، شام، صربیہ، اٹلی، یوکرین، آرمینیا، جارجیہ، فن لینڈ، بلغاریہ، لبنان، اور ترکی کی ٹیموں نے حصہ لیا۔