تائیوان باسکٹ بال ٹورنامنٹ میں ایران کی شاندارکارکردگی جاری
Jul ۲۰, ۲۰۱۸ ۲۰:۵۱ Asia/Tehran
ایران کی باسکٹ بال کی بی ٹیم نے تائیوان میں کھیلے جارہے ولیم جونز کپ میں میزبان ملک کو شکست دے کر ایک اور کامیابی حاصل کی ہے۔
ایران کی باسکٹ بال کی بی ٹیم اور تائیوان کی ٹیم جمعے کو ولیم جونز کپ میں ایک دوسرے کے مدمقابل آئیں اور ایران نے یہ مقابلہ چھپن کے مقابلے میں ایک سو دوپوائنٹ کے واضح فرق سے جیت لیا۔
ایران کی باسکٹ بال کی بی ٹیم اس ٹورنا منٹ میں اب تک پانچ میچ جیت چکی ہے جبکہ ایک میچ میں اس کو شکست بھی ہوئی ہے۔ تائیوان میں ولیم جونز کپ چودہ جولائی سے شروع ہوا ہے جو بائیس جولائی تک جاری رہے گا۔
ایران کی باسکٹ بال کی اے ٹیم اسی وقت چین کے ایٹلس اسپورٹ کپ میں حصہ لے رہی ہے - ایران کی باسکٹ بال کی قومی ٹیم خود کو ایشیا کپ کے لئے تیار کررہی ہے جو اٹھارہ اگست سے انڈونیشیا کے دارالحکومت جکارتا میں ہونے والا ہے۔