ایشین کشتیرانی مقابلوں میں ایران کیلئے2 سونے اور1 چاندی کے تمغے
Oct ۲۵, ۲۰۱۸ ۰۹:۰۷ Asia/Tehran
ازبکستان میں منعقدہ انڈر 23 یوتھ ایشین کشتی رانی کے مقابلوں میں شریک اسلامی جمہوریہ ایران کی ٹیم نے 2 سونے اور ایک چاندی کے تمغے حاصل کرلئے۔
ایرانی کشتی رانی ٹیم میں شامل خواتین نے بدھ کے روز ازبکستان میں پہلی بار ہونے والے ایشین کشتی رانی مقابلوں کے چوتھے دن میں 3 تمغے اپنے نام کرلئے.
آرزو حکیمی، الناز شفیعیان اور آتنا رئوفی نے 500 میٹر کی کلاس میں 2 طلائی اور ایک چاندی کے تمغے جیت لئے.
یاد رہے کہ ایشین کشتی رانی چیمپیئن شپ کے مقابلوں کا انعقاد 20 اکتوبر کو ہوا جو تین دن تک جاری رہا۔
