SAHAR

صہیونی حکومت کے وزیراعظم نے اقوام متحدہ کے ذیلی ادارے یونسکو کی جانب سے مسجد الاقصی سے یہودیت کو علیحدہ کرنے کے فیصلے پر نکتہ چینی کی ہے-

اسرائیلی سائٹ عاروٹص شوا کی رپورٹ کے مطابق صیہونی وزیراعظم بنیامین نتنیاہو نے مسجدالاقصی کے ساتھ یہودیت کا رابطہ منقطع کرنے اور اس مقدس مقام کو صرف عربی الفاظ کے ساتھ خطاب کرنے کے بارے میں یونسکو کے سنیچر کی رات کے فیصلے پر نکتہ چینی کی ہے اور کہا ہے کہ یونسکو کا یہ اقدام ، مسجد الاقصی سے یہودیت کے تاریخی رابطے کو نظر انداز کرنے کے مترادف ہے-

واضح رہے کہ صیہونی حکومت مقبوضہ بیت المقدس کو یہودی بنانے کے لئے کسی بھی کوشش سے دریغ نہیں کر رہی ہے اور ہمیشہ صیہونی کالونیاں تعمیر کرنے کے ذریعے، اس شہر کی آبادی کو اسرائیلیوں کے حق میں تبدیل کرنے میں کوشاں ہے-