تل ابیب میں احتجاجی مظاہرہ
Jul ۰۴, ۲۰۱۶ ۱۹:۲۰ Asia/Tehran
صیہونی حکومت کی پولیس نے تل ابیب میں مظاہرہ کرنے والے ایتھوپیائی یہودیوں کو گرفتار کر لیا۔
صیہونی حکومت کے دارالحکومت تل ابیب میں ایتھوپیائی یہودیوں نے پولیس کے تشدد کے خلاف احتجاجی مظاہرہ کیا۔ غاصب صیہونی حکومت کے سرکاری ذرائع ابلاغ کے مطابق اتوار کی رات ہونے والے اس مظاہرے کے دوران پولیس نے دسیوں ایتھوپیائی یہودیوں کو گرفتار کر لیا۔
ایتھوپیائی یہودیوں نے یہ احتجاجی مظاہرہ، صیہونی پولیس کے امتیازی سلوک اور تشدد کے خلاف کیا تھا۔ ایتھوپیائی یہودیوں نے اتوار کی رات صیہونی حکومت کے دارالحکومت تل ابیب میں یہ احتجاجی مظاہرہ ایسے عالم کیا کہ صیہونی حکومت کے وزیر اعظم بنیامین نتن یاہو نے پیر سے افریقی ملکوں کا دورہ شروع کیا ہے۔ وہ جن ملکوں کا دورہ کریں گے ان میں ایتھوپیا بھی شامل ہے۔