شام میں جنگ بندی برقرار رکھنے پر امریکہ اور روس کا اتفاق
Jul ۱۶, ۲۰۱۶ ۱۳:۳۱ Asia/Tehran
امریکی وزیر خارجہ نے کہا ہے کہ شام میں جنگ بندی برقرار رکھنے کے لئے واشنگٹن اور ماسکو کے درمیان اتفاق ہو گیا ہے
امریکی وزیر خارجہ جان کیری نے جمعے کو اعلان کیا ہے کہ ایالات متحدہ امریکہ اور روس نے النصرہ محاذ کے حملوں کا مقابلہ کرنے کے لئے مطلوبہ اقدامات انجام دینے پر اتفاق کر لیا ہے- جان کیری نے اس بات کا اعلان ماسکو میں اپنے روسی ہم منصب کے ساتھ طویل مذاکرات کے بعد ایک مشترکہ پریس کانفرنس میں کیا -
امریکہ کے وزیر خارجہ نے کہا کہ ہم نے واضح اقدامات انجام دینے کی جس طویل فہرست پر اتفاق کیا ہے اس کا اعلان نہیں کریں گے کیونکہ ہم اس سلسلے میں کامیاب ہونا چاہتے ہیں اور ہمیں کامیاب ہونے کے لئے مزید کوششوں کی ضرورت ہے- جان کیری نے کہا کہ ہم اس بات کا بھی تاکید کے ساتھ اعلان کرنا چاہتے ہیں کہ یہ اقدامات اعتماد کی بنیاد پر نہیں ہیں -