یمن پر سعودی جارحیت کے خلاف نیویارک میں مظاہرہ
Mar ۲۷, ۲۰۱۷ ۱۷:۳۳ Asia/Tehran
یمن پر سعودی عرب کے جارحانہ حملوں کی سالانہ تاریخ یا برسی کی مناسبت سے آل سعود کے خلاف ہونے والے مظاہروں میں امریکیوں نے بھی حصہ لیا۔
المیادین ٹی وی کی رپورٹ کے مطابق نیویارک میں اقوام متحدہ کے دفتر کےقریب ہونے والے اس مظاہرے میں امریکی اور یمنی شہریوں نے حصہ لیا اور یمن پر حملے میں امریکہ کی جانب سے سعودی عرب کی حمایت کی مذمت کی۔
مظاہرین نے امریکہ ، برطانیہ اور فرانس کی طرف سے سعودی عرب کو اسلحے کی فروخت کا سلسلہ روکے جانے اور یمن کا محاصرہ ختم کئے جانے کا مطالبہ کیا۔
مظاہرے میں شامی شہریوں نے بھی حصہ لیا اور یمنی عوام کے ساتھ ہمدردی کا اظہار کیا-