SAHAR

لندن پولیس نے ہفتے اور اتوار کی درمیانی رات ہونے والے دہشت گردانہ حملے کے محرکات کو اندرونی قرار دیا ہے۔

لندن میٹرو پولیٹن پولیس چیف کریسیڈا دائک نے کہا ہے کہ پچھلے تین ماہ کے دوران ہونے والے دہشت گردی کے تمام واقعات کے پس پردہ محرکات داخلی ہیں اور انہیں بیرون ملک سے ہدایت نہیں دی جارہی ہے ۔انہوں نے کہا کہ پچھلے تین ماہ کے دوران پانچ حملوں کو ناکام بھی بنایا گیا ہے۔ہفتے کی شب لندن برج کے تین مقامات پر پیش آنے والے واقعات میں سات افراد ہلاک اور درجنوں زخمی ہوگئے تھے۔دہشت گردہ گروہ داعش نے لندن کے حالیہ دہشت گردانہ حملے کی ذمہ داری قبول کی ہے۔