لندن میں چاقوزنی کے واقعات میں اضافہ
Jul ۲۱, ۲۰۱۷ ۱۷:۵۰ Asia/Tehran
لندن میں چاقوزنی کے واقعات میں اضافے کے بعد برطانوی پولیس نے عوام سے تعاون کی اپیل کی ہے تاکہ اس قسم کے جرائم پر قابو پایا جا سکے۔
فرانس پریس کے مطابق برطانوی پولیس نے اپنے ملک کے عوام سے اپیل کی ہے کہ وہ پولیس کو مجرمانہ سرگرمیوں میں ملوث افراد کے خلاف معلومات فراہم کریں۔
کہا جا رہا ہے کہ برطانیہ کے کم عمر طبقے میں چاقو لے کر چلنے اور چاقو زنی کا چلن بڑھتا جا رہا ہے جس پر لندن انتظامیہ کو سخت تشویش لاحق ہو گئی ہے۔
بلدیہ لندن کے عہدیداراوں کا کہنا ہے کہ رواں سال کے آغاز سے اب تک پچیس سال سے کم عمر کے ستائیس شہریوں کو چاقو سے نشانہ بنایا گیا ہے۔
تشدد کے خلاف کام کرنے والے ایک ٹرسٹ کے صدر پیٹرک گرین کا کہنا ہے کہ لندن میں چاقوزنی کے واقعات کی تعداد سرکاری طور پر جاری ہونے والے اعداد و شمار سے کہیں زیادہ ہے۔