SAHAR

روس کے وزیر خارجہ نے شام میں امریکی فوجی اڈوں کو غیر قانونی قرار دیا ہے۔

روس کے وزیر خارجہ سرگئی لاوروف نے جمعے کے روز ایک بیان میں شام میں امریکی فوجی اڈوں کوغیر قانونی قرار دیتے ہوئے کہا ہے کہ جنوبی شام میں محفوظ علاقوں کے قیام کے سلسلے میں روس اور امریکہ کے درمیان مذاکرات کا سلسلہ جاری ہے۔
انھوں نے کہا کہ جنوبی شام میں فائر بندی کی نگرانی اور اس خطے کے مختلف علاقوں میں انسان دوستانہ امداد تک دسترسی کو یقینی بنانے کے لئے بات چیت آخری مرحلے میں ہے۔
لاوروف نے امریکہ کے صدارتی انتخابات میں روس کی مداخلت کے بارے میں سی آئی اے کے سربراہ مائک پومپیئو کے الزام کے بارے میں بھی کہا کہ اس قسم کے الزامات عقل و منطق سے عاری ہیں۔
واضح رہے کہ روس نے امریکہ کے اس الزام کی ہمیشہ تردید کی ہے کہ امریکہ کے صدارتی انتخابات میں روس کی کوئی مداخلت رہی ہے۔