SAHAR

امریکہ میں فائرنگ کے واقعات میں کم سے کم چودہ افراد ہلاک ہوگئے ہیں

ہمارے نمائندے نے امریکہ میں فائرنگ کے واقعات کا اندراج کرنے والے ادارے کے حوالے سے رپورٹ دی ہے کہ امریکہ کی مختلف ریاستوں میں گذشتہ چوبیس گھنٹے کے دوران ہونے والے فائرنگ کے واقعات میں کم سے کم چودہ افراد ہلاک اور تینتالیس زخمی ہوگئے ہیں- اس رپورٹ کے مطابق فائرنگ کے تازہ واقعات اینڈیانا، میشگن، کیلیفورنیا اور نیوجرسی میں پیش آئے- امریکہ میں فائرنگ کے واقعات کا اندارج کرنے والے ادارے کی رپورٹ کے مطابق دوہزار سترہ کے آغاز سے اب تک مختلف ریاستوں میں فائرنگ کے دوسوانچاس واقعات پیش آئے جن میں نو ہزار پانچ سو چودہ افراد ہلاک اور انیس ہزار انتیس زخمی ہوئے ہیں- امریکہ میں ہر سال فائرنگ کے واقعات میں ہزاروں افراد ہلاک و زخمی ہو جاتے ہیں-