امریکا بین الاقوامی معاہدوں پر عمل درآمد کی توانائی نہیں رکھتا
Oct ۱۸, ۲۰۱۷ ۲۰:۲۷ Asia/Tehran
روسی وزیرخارجہ نے کہا ہے کہ امریکی صدر کے بیان نے ایٹمی معاہدے اور دیگر معاہدوں پر واشنگٹن کے عمل درآمد کی ناتوانی کو ثابت کردیا ہے۔
روسی وزیرخارجہ سرگئی لاوروف نے ایٹمی معاہدے کے لئے عالمی برادری کی حمایت کا ذکرکرتے ہوئے کہاکہ ایٹمی معاہدے سے نکلنے کی امریکی کوشش سے ظاہرہوتا ہے واشنگٹن معاہدوں پر عمل درآمد کی توانائی نہیں رکھتا۔
انہوں نے کہا کہ ایٹمی معاہدے کے بارے میں امریکا کا موقف اور شمالی کوریا کے خلاف طاقت کے استعمال کی دھمکی عالمی مسائل کو مزید پیچیدہ کرے گی۔
روسی وزیرخارجہ نے خبردار کیا کہ دوطرفہ اعتماد کا خاتمہ بہت ہی تشویشناک ہے اور دوبارہ اعتماد کی بحالی آسان کام نہیں ہوگا۔