SAHAR

امریکہ میں فائرنگ کے متعدد واقعات میں کم سے کم بارہ افراد ہلاک اور متعدد دیگر زخمی ہو گئے۔

 امریکہ میں فائرنگ کے واقعات کا اندراج کرنے والے ادارے نے اعلان کیا ہے کہ امریکہ کی مختلف ریاستوں میں گذشتہ چوبیس گھنٹوں کے دوران فائرنگ کے اٹھاون واقعات پیش آئے جن کے نتیجے میں کم سے کم بارہ افراد ہلاک اور پینتیس دیگر زخمی ہو گئے-

اس رپورٹ کے مطابق فائرنگ کے زیادہ تر واقعات ایلینوئے، ٹیکساس اور ورجینیا میں پیش آئے-

فائرنگ کے واقعات درج کرنے والے ادارے کی رپورٹ کے مطابق امریکہ میں دو ہزار سترہ کے آغاز سے اب تک فائرنگ کے انچاس ہزار سات سو چودہ واقعات پیش آئے جن میں بارہ ہزار، چار سو تین، افراد ہلاک اور پچیس ہزار، تین سو اٹھائیس، افراد زخمی ہوئے-

واضح رہے کہ امریکہ میں فائرنگ کے واقعات میں ہر سال ہزاروں افراد ہلاک و زخمی ہو جاتے ہیں-