ہالینڈ میں میوزیکل فیسٹیول کے قریب گاڑی لوگوں پر چڑھ گئی
Jun ۱۸, ۲۰۱۸ ۱۷:۳۸ Asia/Tehran
ہالینڈ کے علاقے منشگروگ میں میوزیکل فیسٹیول کے مقام کے قریب ایک وین راہگیروں پر چڑھ گئی جس میں ایک شخص ہلاک اور تین دیگر زخمی ہوگئے
پیرکی صبح جنوبی ہالینڈ کے علاقے منشگروگ میں پینک پاپ میوزیکل فیسٹیول کی قریب جہاں لوگ خیمے ڈالے ہوئے تھے راستہ چلتے لوگوں پر ایک وین چڑھ گئی - اس حادثے میں پولیس کے بقول ایک شخص ہلاک اور تین دیگر زخمی ہوگئے - پولیس نے مذکورہ سڑک کو بند کرکےتحقیقات شروع کردی ہیں - عینی شاہدین نے بتایا کہ جس وین کے ذریعے حادثہ پیش آیا اس کا ڈرائیور اپنی گاڑی لے کر فرار ہوگیا ہے - پولیس نے ڈرائیور کو گرفتار کرنے کی کارروائی شروع کردی ہے - مقامی حکام کا کہنا ہے کہ جمعے سے اتوار تک اس فیسٹیول میں سڑسٹھ ہزار لوگوں نے شرکت کی تھی - فیسٹیول کو دیکھنے کی غرض سے وہاں پہنچنے والے لوگوں نے آس پاس ٹھہرنے کے لئے خیمے بھی نصب کررکھے تھے -