SAHAR

چین کے صدر اور شمالی کوریا کے رہنما نے بیجنگ اور پیونک یانگ کے دو طرفہ تعلقات کے فروغ کی ضرورت پر زور دیا ہے۔

ارنا کی رپورٹ کے مطابق چین کے صدر شی جین پینگ اور شمالی کوریا کے رہنما کیم جونگ اون نے بیجنگ میں ہونے والی ملاقات میں مختلف شعبوں میں دونوں ملکوں کے دو طرفہ تعلقات خاص طور سے اقتصادی شعبے میں تعلقات کے فروغ پر تاکید کی۔اس ملاقات میں دونوں ممالک کے سربراہوں نے جزیرہ نمائے کوریا کے حالات پر بھی غور کیا۔چین کی وزارت خارجہ کے ترجمان گینگ شوانگ نے شمالی کوریا کے رہنما کے دورہ بیجنگ کو اہم قرار دیتے ہوئے کہا ہے کہ یہ دورہ دونوں ملکوں کے تعلقات میں مزید توسیع کا باعث بنے گا۔واضح رہے کہ شمالی کوریا کے رہنما چین کے دو روزہ دورے پر منگل کو بیجنگ پہنچے ہیں۔