• ٹرمپ کی چین کو ایک اور دھمکی

امریکی صدر ڈونلڈ ٹرمپ نے چین کو دھمکی دی ہے کہ تجارتی جنگ جاری رہنے کی صورت میں چین برآمد کی جانے والی اشیا پر عائد ٹیکسوں میں مزید اضافہ کردیا جائے گا۔

این بی سی ٹیلی ویژن سے گفتگو کرتے ہوئے صدر ڈونلڈ ٹرمپ نے یہ بات زور دے کر کہی کہ چین سے درآمد کی جانے والی اشیا پر پانچ سو ارب ڈالر ٹیکس عائد کرنے کے لیے تیار ہیں۔امریکی صدر اب تک دوبار چین سے درآمد کی جانے والی اشیا پر دس سے پـچیس فی صد ٹیکس عائد کرچکے ہیں جس کا چین نے ترکی بہ ترکی جواب دیا ہے اور یوں دونوں ملکوں کے درمیان تجارتی جنگ شروع ہوگئی ہے۔ڈونلڈ ٹرمپ نے جنہیں روسی صدر کے ساتھ ملاقات کے حوالے سے بھی اندرون ملک کڑی نکتہ چینی کا سامنا ہے، یہ بات زور دے کرکہی کہ پوتین کے ساتھ ان کی پوری کی پوری ملاقات سازگار ماحول میں  ہوئی۔ انہوں نے دعوی کیا کہ اگر واشنگٹن ماسکو تعلقات خراب ہوئے تو میں پوتین کے لیے اب تک کا بدترین دشمن ثابت ہوں گا۔

ٹیگس

Jul ۲۰, ۲۰۱۸ ۱۹:۳۷ Asia/Tehran
کمنٹس