SAHAR

اقوام متحدہ میں تعینات امریکی سفیر نکی ہیلی نے اپنے عہدے سے استعفی دے دیا۔

بین الاقوامی میڈیا رپورٹس کے مطابق اقوام متحدہ میں متعین امریکی خاتون سفیر نکی ہیلی نے اپنی ذمہ داریوں سے دست برداری اختیار کرتے ہوئے استعفیٰ صدر ٹرمپ کو ارسال کردیا جو انہوں نے منظور کرلیا۔

یاد رہے کہ اقوام متحدہ کے اسرائیل سے متعلق اقدام اور امریکی سفارت خانے کی تل ابیب سے مقبوضہ بیت المقدس منتقلی کے خلاف قرار داد منظور ہونے پر نکی ہیلی کو سخت تنقید کا سامنا تھا اور اس سلسلے میں انہوں نے گزشتہ ہفتے صدر ٹرمپ سے ملاقات بھی کی تھی۔