فرانس میں بدترین سیلاب، 13 افراد ہلاک
Oct ۱۶, ۲۰۱۸ ۰۷:۵۹ Asia/Tehran
فرانس میں صدی کے بدترین سیلاب کی وجہ سے 13 افراد ہلاک ہو گئے ہیں۔
فرانس میں صدی کے بدترین سیلاب سے کم سے کم 13 افراد ہلاک ہوگئے جبکہ کئی لاپتہ ہیں، جنہیں تلاش کیا جارہا ہے، سیلاب سے کئی مکانات اور بنیادی انفرا اسٹرکچر بھی تباہ ہوگیا۔
فرانس کی قومی ایمرجنسی سروس کے مطابق 7 ماہ کی بارش ایک رات میں برس جانے سے صورتحال خراب ہوئی، سب سے زیادہ متاثر ٹریبس اور ایگزٹ فرانس ہوئے، جہاں کئی نشیبی علاقے زیرآب آنے سے مکانات کو نقصان پہنچا، درخت اور پول زمین سے اکھڑگئے، سڑکیں اور پل پانی میں بہہ گئے۔
متاثرہ علاقوں میں ہیلی کاپٹرز کی مدد سے کیے گئے ریسکیو آپریشن کے دوران ہزاروں افراد کو محفوظ مقامات پر منتقل کیا گیا۔
