کیلیفورنیا میں فائرنگ، 3 افراد ہلاک، متعدد زخمی
Jan ۰۵, ۲۰۱۹ ۱۹:۳۵ Asia/Tehran
امریکی ریاست کیلی فورنیا کے ساحلی شہر ٹارینس میں پیش آنے والے فائرنگ کے واقعے میں متعدد افراد ہلاک ہو گئے۔
پولیس کے مطابق فائرنگ یہ واقعہ ساحلی شہر ٹارینس کے ایک بولنگ کلب میں پیش آیا جہاں ایک شخص نے اچانک گولیاں چلا دیں۔ اب تک کی اطلاعات کے مطابق اس واقعے میں کم سے کم تین افراد ہلاک اور چار دیگر زخمی ہوئے ہیں۔
پولیس نے واقعے کی مزید تفصیلات بتانے سے گریز کیا ہے جبکہ کوئی گرفتاری بھی عمل میں نہیں آئی ہے۔
امریکہ میں فائرنگ کے واقعات میں سالانہ کئی ہزار افراد ہلاک ہو جاتے ہیں۔
اسلحہ کی منافع بخش تجارت کی وجہ سے بااثر اسلحہ لابی، ملک میں گن کنٹرول قوانین وضع کرنے کی کسی بھی کوشش کو ناکام بنا دیتی ہے۔
