ٹرمپ بے بس ڈیموکریٹس کوڈیل کی پیشکش
امریکی صدر ٹرمپ نے اپنے موقف سے پیچھے ہٹتے ہوئے بے بسی کے عالم میں ڈیموکریٹس کوڈیل کرنے کی پیشکش کی ہے۔
امریکا کے صدر ڈونلڈ ٹرمپ نے اپنے ایک بیان میں میکسیکو کی سرحد پر دیوار تعمیر کرنے کے تنازع پر ڈیمو کریٹس کو ڈیل کی پیش کش کرتے ہوئے کہا کہ آئیے سر جوڑ کر بیٹھیں اور اس مسئلے کا حل نکالیں، کئی ڈیموکریٹس اس حوالے سے مجھ سے متفق ہیں، رازداری میں مجھ سے کہہ چکے ہیں، لیکن ڈر کے مارے سب کے سامنے کچھ نہیں کہتے۔
امریکی صدر نے یہ بھی کہا کہ ہمیں اپنی جنوبی سرحد کو محفوظ بنانا ہوگا، اگر ہم ایسا کرنے میں ناکام رہے تو ہم سے زیادہ بے وقوف کوئی اور نہ ہوگا اور یہ افسوسناک ہوگا۔
واضح رہے کہ سرحدی دیوار کے تنازع پرامریکا میں شٹ ڈاؤن کو 29 روز ہو گئے ہیں جس کے بعد امریکا کے صدر ڈونلڈ ٹرمپ نے ڈیموکریٹس کو یہ شٹ ڈاؤن ختم کرنے کے سلسلے میں ڈیل کی پیشکش ی ہے۔
