بریگزٹ پر دوبارہ مذاکرات ناممکن
Mar ۱۴, ۲۰۱۹ ۱۹:۱۳ Asia/Tehran
فرانس کے صدر میکرون نے برطانوی پارلیمنٹ میں سمجھوتے کے بغیر بریگزٹ کی مخالفت کئے جانے پر کہا ہے کہ اس سمجھوتے پر دوبارہ مذاکرات نہیں کئے جائیں گے۔
امانوئل میکرون نے کہا برطانیہ، نئی مہلت کا خواہاں ہے اور مہلت کی درخواست کا ممکنہ طور پر یورپی یونین کے ماہرین کی جانب سے جائزہ لیا جا سکتا ہے۔
انھوں نے کہا کہ برطانیہ کو اس سلسلے میں وضاحت کرنا ہو گی۔ واضح رہے کہ برطانیہ کو یورپی یونین سے انتیس مارچ تک باہر نکلنے کا عمل مکمل کرنا ہے۔
یہ ایسی حالت میں ہے کہ برطانوی پارلیمنٹ کے اراکین نے سمجھوتے کے بغیر یورپی یونین سے برطانیہ کی علیحدگی کے بل کو مسترد کر دیا ہے۔