ایران کے خلاف پابندیاں ختم کئے جانے کا مطالبہ
Mar ۳۰, ۲۰۱۹ ۱۹:۰۱ Asia/Tehran
بین الاقوامی عدالت انصاف نے امریکی حکومت کے نام اپنے ایک مراسلے میں ایران کے خلاف پابندیاں ختم کرنے کا مطالبہ کیا ہے۔
ایٹمی معاہدے سے امریکہ کی علیحدگی اور ایران کے خلاف امریکی پابندیوں کی بحالی کے بعد تہران نے عالمی عدالت انصاف میں واشنگٹن کے خلاف کیس دائر کیا تھا۔
گذشتہ تین اکتوبر کو اس عدالت نے امریکہ سے ایران کے خلاف غذائی اشیا، دواؤں اور انسان دوستانہ امور منجملہ شہری ہوابازی کے شعبوں میں پابندیاں منسوخ کئے جانے کا مطالبہ کیا تھا۔
عالمی عدالت انصاف میں ایران کے نمائندے محسن محبی نے ہفتے کے روز ارنا سے گفتگو میں بتایا ہے کہ عالمی عدالت انصاف نے امریکہ سے سولہ مئی کو اس بات کا جواب داخل کرانے کا حکم سنایا ہے کہ اس نے عالمی عدالت انصاف کے مطالبے پر کیا اقدامات کئے ہیں۔انھوں نے کہا کہ عالمی عدالت کا فیصلہ قانونی نقطہ نظر سے نافذالعمل ہے۔