Jul ۱۵, ۲۰۱۹ ۱۹:۳۲ Asia/Tehran
  • ایران ایٹمی معاہدے پر کابند ہے، فرانس کے سابق عہدیدار کا بیان

فرانس کے ایک سابق عہدیدار نے کہا ہے کہ ایران ایٹمی معاہدے پر کاربند رہا ہے اور امریکہ نے ہی ایٹمی معاہدے کی خلاف ورزی کی ہے۔

اقوام متحدہ میں فوج سے وابستہ فرانس کے سابق عہدیدار ڈومینیک ٹرنکن نے فرانس چوبیس ٹی وی سے گفتگو میں امریکہ کو جوہری معاہدے کی خلاف ورزی کرنے والا ملک قرار دیا اور کہا کہ ایٹمی توانائی کی بین الاقوامی ایجنسی کی تصدیق کے مطابق ایران ایٹمی معاہدے پر کاربند رہا ہے۔انھوں نے ایران کی جانب سے اپنے رضاکارانہ وعدوں سے پسپائی کے اقدامات کے بارے میں کہا کہ انصاف سے دیکھا جائے تو امریکہ نے ہی یکطرفہ طور پر ایٹمی معاہدے سے علیحدگی اختیار کر کے صورت حال اس منزل پر پہنچائی ہے۔اس سے قبل فرانس کے سابق وزیر اعظم ڈومینیک ڈو ویلپن نے کہا تھا کہ ٹرمپ کو ایران کے ساتھ   سمجھوتے کی ضرورت ہے کیونکہ  وہ   رائے عامہ پر ثابت کرنا چاہتے ہیں کہ وہ امریکی عوام کے لئے سفارتی کامیابی حاصل کرنے پر قادر ہیں۔انھوں نے کہا کہ امریکہ کے صدارتی انتخابات میں اب زیادہ وقت نہیں بچا ہے اور ٹرمپ، ایران کے ساتھ سمجھوتہ کرنا چاہتے ہیں۔

ٹیگس