SAHAR

امریکی وزارت خارجہ کے جاری کردہ بیان میں دھمکی دی گئی ہے گریس ون بحری جہاز کے عملے کا ویزہ منسوخ اور امریکی حدود میں داخلے پر پابندی عائد کی جاسکتی ہے۔ 

اس بیان میں کہا گیا ہے کہ سپاہ پاسداران انقلاب اسلامی کا تیل لے جانے والے اس بحری جہاز کا عملہ، امریکی قوانین کے تحت ویزے کے حصول کی صلاحیت کھو سکتا ہے۔ 

امریکی وزارت خارجہ کا یہ بیان آبنائے جبل الطارق کی عدالت عالیہ کے اس فیصلے کے محض ایک گھنٹے کے بعد جاری کیا گیا ہے جس میں مذکورہ عدالت نے ایرانی تیل بردار بحری جہاز گریس ون کو فوری طور پر چھوڑنے کا حکم دیا تھا۔ 

حکومت امریکہ نے ایرانی بحری جہاز کو مزید روکے رکھنے کی درخواست کی تھی جسے عدالت نے مسترد کردیا۔