یمنی فوج نے امریکا کا جدیدترین ڈرون طیارہ مارگرایا
Aug ۲۱, ۲۰۱۹ ۱۵:۵۱ Asia/Tehran
یمنی فوج کے ایئرڈیفنس یونٹ نے یمن کے صوبہ ذمار میں جارح سعودی اتحاد سے وابستہ امریکا کا جدید ترین ڈرون طیارہ ایم کیو نائن مارگرایا ہے۔
یمن کی مسلح افواج کے ترجمان نے کہا ہے کہ یمنی فوج اور عوامی رضاکارفورس کے ایئر دیفنس یونٹ نے امریکا کا یہ جدید ترین ڈرون طیارہ اپنے ہی تیار کردہ ایک میزائل سے مار گرایا ہے۔
یمنی فوج کے ترجمان یحیی السریع اس سلسلے میں جلد ہی ایک پریس کانفرنس کرنے والے ہیں۔
یمنی فوج کےترجمان نے کہا ہے کہ یمن پر جارحیت کرنے والے ملکوں کو چاہئے کہ وہ یمن کی فضائی حدود کی خلاف ورزی کرنے کے تعلق سے اپنے اندازوں پرنظرثانی کریں۔
یمن کے ایئر ڈیفنس یونٹ نے گذشتہ مئی کے مہینے میں بھی امریکا کا ایک ڈرون طیارہ صنعا کے جنوب میں مار گرایا تھا۔