نوڈیل بریگزٹ کی مخالفت کا بل پاس ، قبل از وقت پارلیمانی انتخابات کرانے کا اعلان
Sep ۰۵, ۲۰۱۹ ۰۷:۴۰ Asia/Tehran
برطانوی پارلیمنٹ میں نو ڈیل بریگزٹ کی مخالفت کا بل پاس ہونے کے بعد وزیراعظم بورس جونسن نے ملک میں قبل از وقت پارلیمانی انتخابات کرانے کا اعلان کردیا ہے۔
برطانوی پارلیمنٹ نے نوڈیل بریگزٹ کی مخالفت کرتے ہوئے یورپی یونین کے ساتھ بریگزٹ مذاکرات کی مدت میں توسیع کی منظوری دے دی ہے جس کے حق میں تین سو انتیس اور مخالفت میں تین سو ووٹ ڈالے گئے۔نوڈیل بریگزٹ منصوبے میں ناکامی کے بعد برطانوی وزیر اعظم بورس جونسن نے پندرہ اکتوبر کو ملک میں قبل از وقت انتخابات کرانے کا اعلان کردیا ہے۔
دوسری جانب یورپی یونین سے علیحدگی کے مخالف ہزاروں افراد نے لندن کی سڑکوں پر مارچ اور یورپی یونین میں باقی رہنے کا مطالبہ کیا ہے۔
باون فی صد برطانوی عوام نے جون دوہزار سولہ میں کرائے جانے والے ریفرنڈم میں اپنے ملک کو یورپی یونین سے الگ کرنے کے حق میں ووٹ دیئے تھے۔