SAHAR

جرمن وزیرخارجہ ہیکو ماس نے پیر کو ایک انٹرویو میں کہا کہ ابھی بھی ایٹمی معاہدے کو باقی رکھنے کے لئے کوئی حل تلاش کیا جاسکتا ہے لیکن یورپی ممالک اکیلے ایسا کرنے  کی توانائی نہیں رکھتے۔ انہوں نے کہا کہ اگر ایران نے ایٹمی معاہدے سے متعلق اپنے وعدوں پر عمل درآمد کو مزید معطل کیا تو اس بقول ان کے دنیا کو غلط پیغام جائے گا۔

جرمن وزیرخارجہ نے کہا کہ تہران کو چاہئے کہ وہ ایٹمی معاہدے پر پوری طرح سے عمل کرے۔

واضح رہے کہ ایران نے ایٹمی معاہدے پر یورپی ملکوں کی جانب سے عمل نہ کئے جانے کے جواب میں کہا ہے کہ وہ ایٹمی معاہدے سے متعلق اپنے وعدوں پر عمل درآمد کو معطل کرتا رہے گا۔

ایران کا کہنا ہے کہ اگر یورپی ممالک ایٹمی معاہدے پر عملدرآمد شروع کردیں گے تو وہ تیزی کے ساتھ اپنی پہلی والی پوزیشن پر لوٹ آئے گا اور ایٹمی معاہدے پر پوری طرح سے عمل کرےگا۔