SAHAR

فنلینڈ کے دارالحکومت ہلسنکی میں منعقد ہونے والے اس اجلاس میں یورپی یونین کےوزرائے خزانہ نے تجارت کے میدان میں رکن ملکوں کی معیشت اور آمدنی کو مستحکم بنانے میں مدد دینے کی راہوں کا جائزہ لیا۔ یورپی کمیشن کے نائب سربراہ والدیس دومبروسکس نے نامہ نگاروں سے گفتگو کرتے ہوئے کہا کہ قوانین کو آسان بنانےکا مطلب اہم اور کلیدی اہداف پر نظرثانی کرنا نہیں ہے بلکہ اقتصادی معیاروں کی اصلاح اور ان سے استفادے کے طریقوں پرغور کر رہے ہیں۔اقتصادی ماہرین کا کہنا ہے کہ دوہزار پانچ اور پھر دوہزار تیرہ میں یورپی یونین کے قوانین میں تبدیلی کے بعد یہ قوانین اس قدر پیچیدہ ہوگئے ہیں کہ یورپی کمیشن ہر سال ایک سو صفحات پر مشتمل مالی قوانین کے بارے میں ایک کتابچہ شائع کراتا ہے۔ ماہرین کا کہنا ہے کہ نئے مالی قوانین کی منظوری میں ایک سال سے زیادہ کا عرصہ لگ سکتا ہے۔