ٹرمپ کے جھوٹے بیانات پر کانگریس کی رکن شدید برہم
امریکی کانگریس میں مسلمان خاتون رکن ایلہان عمر نے کہا ہے امریکی صدر ٹرمپ کے جھوٹ نے ہماری جان کو خطرے میں ڈال دیا ہے
امریکی صدر ٹرمپ نے ایک ٹویٹ کو ری ٹویٹ کرتے ہوئے دعوی کیا تھا کہ امریکی ایوان نمائندگان میں ڈیموکریٹک پارٹی کی مسلمان خاتون رکن ایلہان عمر نے گیارہ ستمبر کے واقعات کی برسی کے موقع پر ہونے والے جشن میں شرکت کی تھی - ایلہان عمر نے بھی ٹرمپ کے اس دعوے کے جواب میں کہا کہ یہ ویڈیو سیاہ فام خواتین کے اعزاز میں ہونے والے ایک پروگرام کی ہے جس کا اہتمام کانگریس کے سیاہ فام اراکین نے کیا تھا- امریکی کانگریس کے ایوان نمائندگان کی رکن ایلہان عمر نے کہا کہ ٹرمپ ایسے ایسے جھوٹ بول رہے ہیں جس کی وجہ سے ہماری جان اور سلامتی کو خطرہ لاحق ہوگیا ہے - امریکی صدر ٹرمپ نے بارہا کانگریس کی سیاہ فام اور رنگین فام خاتون اراکین کے خلاف نسل پرستانہ بیانات دے کر ان کی توہین کی ہے جس پر ان اراکین نے شدید برہمی کا اظہار کیا ہے -