Jan ۱۰, ۲۰۲۰ ۰۷:۵۷ Asia/Tehran
  • قاسم سلیمانی پرامریکی حملہ، عالمی قوانین کی کھلی خلاف ورزی

روس کے وزیر خارجہ نے واضح طور پر کہا ہے کہ سپاہ قدس کے کمانڈر جنرل قاسم سلیمانی پرامریکی حملہ عالمی قوانین کی کھلی خلاف ورزی ہے۔

العالم نیوز کے مطابق روسی وزیر خارجہ سرگئی لاوروف نے پاکستانی وزیر خارجہ شاہ محمود قریشی سے فون پر بات کی جس میں انہوں نے جنرل قاسم سلیمانی کے شہادت کے تعلق سے امریکی اقدام کو عالمی ضابطوں کے منافی قرار دیا۔ انہوں نے شاہ محمود قریشی سے ہونے والی اس گفتگو میں امریکہ کے اس اقدام کو خطے کے لئے خطرناک نتائج کا حامل بتایا۔

گزشتہ جمعے کو بھی لاوروف نے اپنے امریکی ہم منصب مائیک پومپئو سے گفتگو میں امریکہ کے اس دہشت گرانہ اقدام کی مذمت کی تھی۔

امریکہ نے گزشتہ جمعہ کی شب بغداد ایئر پورٹ کے قریب ایک دہشت گرانہ کاروائی کرتے ہوئے سپاہ قدس کے کمانڈر جنرل قاسم سلیمانی اور عراق کی عوامی رضاکار فورس الحشد الشعبی کے ڈپٹی کمانڈر ابو مہدی المہندس کو ان کے چند ساتھیوں کے ہمراہ شہید کر دیا تھا۔ امریکی وزیر جنگ نے اس حملے کے بعد اعلان کیا تھا کہ یہ آپریشن براہ راست صدر ٹرمپ کے حکم سے انجام پایا ہے۔ دنیا کے بہت سے ممالک نے امریکی صدر کے اس دہشت گرانہ حملے کی مذمت کی ہے۔

جنرل قاسم سلیمانی عراقی حکومت کی دعوت پر اس ملک کے دورے پر بغداد گئے تھے۔

ٹیگس