SAHAR

امریکی صدر ٹرمپ نے اپنے ٹوئیٹ میں قومی سلامتی  کے مشیر رابرٹ اوبرائن کے بیانات کی جانب اشارہ کرتے ہوئے دعوی کیا ہے کہ پابندیوں نے ایران کی گردن جکڑ رکھی ہے۔ انہوں نے دعوی کیا کہ ان کی نظر میں اس کی کوئی اہمیت نہیں ہے کہ تہران مذاکرات کے لئے تیار ہوگا یا نہیں۔

 

ٹرمپ نے اپنی بے بنیاد لن ترانیوں کو دہراتے ہوئے ٹوئٹ کیا ہے کہ ایران نہ ہی ایٹمی ہتھیار بنا سکتا ہے اور نہ ہی مظاہرین کو قتل کر سکتا ہے۔

امریکہ کی قومی سلامتی کونسل کے مشیر رابرٹ اوبرائن نے اتوار کو فاکس نیوز کو انٹرویو دیتے ہوئے کہا تھا کہ ٹرمپ نے فارسی میں ٹوئٹ کر کے ایران میں مظاہرین کی حمایت ثابت کردی اور زیادہ سے زیادہ دباؤ کی پالیسی اپنی افادیت دکھا رہی ہے۔ 

قابل ذکرہے کہ انسانی غلطی کے نتیجے میں رونما ہونے والے طیارہ سانحے کے متاثرین  کے ساتھ اظہار ہمدردی کے لئے سنیچر کی شام تہران کی امیر کبیر یونیورسٹی کے سامنے مظاہرے ہوئے تھے جس سے کچھ بلوائیوں نے بھی غلط فائدہ اٹھانے کی کوشش کی۔

ڈونالڈ ٹرمپ نے  طیارہ سانحے کے حوالے سے اپنے ٹوئٹ میں ایک بار پھر ایران میں بدامنی اور بلووں  کی حمایت کی اور دعوی کیا کہ وہ ایران کے عوام کے ساتھ ہیں۔