کورونا وائرس کی تباہ کاریاں جاری، ہلاکتیں 106 ہو گئیں
Jan ۲۸, ۲۰۲۰ ۰۷:۵۱ Asia/Tehran
چین سے شروع اور پھیلنے والا خطرناک کرونا وائرس جان لیوا مرض میں تبدیل ہوگیا ہے۔
کورونا وائرس سے چین میں ہلاک اور متاثرہ افراد کی تعداد مسلسل بڑھ رہی ہے جبکہ دیگر ملکوں میں بھی مریضوں میں اس وائرس کا سراغ ملا ہے۔
چین میں کورونا وائرس سے مزید 24 افراد ہلاک ہوگئے جس کے بعد مجموعی طور پر چین میں وائرس سے ہلاک افراد کی تعداد 106 ہوگئی۔
حکام کے مطابق 1300 نئے کیسز بھی رپورٹ ہوئے ہیں جن کے بعد چین میں مہلک وائرس سے متاثرہ افراد کی تعداد 4 ہزار سے تجاوز کر چکی ہے۔ دارالحکومت بیجنگ میں بھی کرونا وائرس سے پہلی ہلاکت کی رپورٹ ملی ہے۔ بیجنگ میں ایک 9 ماہ کی بچی کورونا کا شکار ہوئی ہے۔
اسلامی جمہوریہ ایران، پاکستان، یورپی ممالک اور امریکا سمیت کئی ممالک اپنے ایئرپورٹس پر کورونا وائرس سے بچاؤ کے لیے حفاظتی اقدامات کررہے ہیں۔
