SAHAR

امریکہ کی مختلف ریاستوں اور شہروں میں نسل پرستی، عدم مساوات اور پولیس کے تشدد کے خلاف ہونے والے احتجاج اور مظاہروں کو قریب ایک سو دس دن گزر گئے۔ اس درمیان بعض امریکی شہر منجملہ پورٹلینڈ میں حالات بدستور کشیدہ ہیں اور سکیورٹی فورسز اور مظاہرین کے مابین جھڑپوں اور گرفتاریوں کا سلسلہ جاری ہے۔ کچھ عرصے سے یہ شہر ایک جنگ زدہ علاقے میں تبدیل ہو چکا ہے اور مقامی انتظامیہ مظاہروں پر قابو پانے میں اب تک ناکام رہی ہے۔