SAHAR

امریکی ریاست فلوریڈا میں پولیس افسر کی فائرنگ میں دو سیاہ فام امریکی نوجوان ہلاک ہوگئے ہیں

نیویارک ٹائمز کی رپورٹ کے مطابق  پولیس نے ریاست فلوریڈا میں مبینہ طور پر چوری کی گئی ایک گاڑی پر پے در پے فائرنگ کر کے سولہ اور اٹھارہ سال کے دو سیاہ فام نوجوانوں کو بری طرح زخمی کردیا جو بعد میں زخموں کی تاب نہ لاتے ہوئے اسپتال میں دم توڑ گئے۔

امریکی حکام پولیس کے ہاتھوں فلوریڈا کے کوکوا علاقے میں ہونے والی دونوں سیاہ فام نوجوانوں کی ہلاکت کی تحقیقات کر رہے ہیں ۔

فلوریڈا کی پولیس نے اس واقعے کا ویڈیو بھی جاری کردیا ہے جو تیرہ نومبر کو پیش آیا تھا۔

ان دونوں سیاہ فام نوجوانوں کا قتل ایسے عالم میں ہوا ہے کہ شہر مینیاپولیس میں پچیس مئی کو امریکی سیاہ فام شہری جارج فلوئیڈ کے قتل کے خلاف پورے امریکہ میں احتجاجی مظاہرے شروع ہوگئے تھے۔