SAHAR

یہ خط ارسال کیا ہندوستان کی ریاست اترپردیش کے شہر لکھنئو سے رضا حیدر صاحب نے لکھتے ہیں کہ

ایک عرصے تک ریڈیو تہران کو خط لکھتا رہا ہوں لیکن کچھ سالوں سے اپنے ذاتی مصروفیات کی بناپر ریڈیو سے دور رہا اب دوبارہ ریڈیو تہران کی نشریات پابندی کے ساتھ سن رہا ہوں اور نواب اصغرعلی خان صاحب کی بیٹھک پر ریڈیو تہران کا خوب ذکر ہوتا ہے اور آپ کے ریڈیو سے نشر ہونے والے تبصروں پر تبادلہ خیال ہوتا ہے نواب اصغرعلی خان نے آپ کا واٹس ایپ نمبر بتایا تو چند کلمات اپنے پوتے کی مدد سے لکھوا کر ارسال کررہا ہوں امید ہے کہ بزم دوستاں پروگرام میں شامل کریں گے۔ سارے پروگرام اچھے جارہے ہیں ویسے میں ریڈیو تہران کی نشریات انٹرنیٹ کے ذریعے سنتا ہوں آواز کی کفیت بہت اچھی ہے اور نشریات سننے میں کسی قسم کی رکاوٹ پیش نہیں آتی، پروگراموں کے حوالے سے تفصیلی خط جلد ارسال کروں گا، ساجد رضوی اور اظفر کاظمی صاحب کو میرا بہت بہت سلام عرض کیجیئے گا۔