اسلامی جمہوریہ ایران کے سینیئر نائب صدر نے جو شنگھائی وزرائے اعظم کے اجلاس میں شرکت کے لئے ماسکو گئے ہیں، پیر کی شام روسی یونیورسٹیوں کے ایرانی طلبا کے نمائندوں سے ملاقات کی

سحرنیوز/ایران:مطابق اسلامی جمہوریہ ایران کے سینیئر نائب صدر محمد رضا عارف نے روسی یونیورسٹیوں کے ایرانی طلبا سے ملاقات میں، ایران – روس جامع اسٹریٹیجک معاہدے میں علمی تعاون سے متعلق شق کی اہمیت پر زور دیا۔

 انھوں نے اسی کے ساتھ کہا کہ روسی یونیورسٹیوں میں ایرانی طلبا کے حالات کے بارے میں ایک جامع رپورٹ کی ضرورت ہے۔

 سینیئر نائب صدر محمد رضا عارف نے روسی یونیورسٹیوں میں زیر تعلیم ایرانی طلبا کے مسائل کے جائزے اور اپنے ملک کے قوا‏عد و ضوابط کے مطابق ان کے حل کے لئے ایک ورکنگ گروپ کی تشکیل کی موافقت کی۔