فلسطین آزاد ہوکر رہے گا + ویڈیو
فلسطینیوں کی حمایت اور امریکا کی سینچری ڈیل کی مخالفت میں دنیا بھر میں ایک بار پھر عالمی یوم قدس کی ریلیاں نکالی جائیں گی اور امریکہ و اسرائیل کے پرچم نذرآتش کئے جائیں گے۔ اس بار کورونا کی وجہ سے حالات کچھ الگ ہیں لیکن اس بار بھی فلسطینی عوام اور قبلہ اول سے ہمدردی کا اظہار کیا جائے گا لیکن انداز بدلا ہوا ہوگا۔
جمعہ الوداع کو دنیا کے حریت پسند ایک بار پھر فلسطینیوں سے اپنی محبت اور ہمدردی کا اظہار کریں گے۔
واضح رہے کہ حضرت امام خمینی (رح) نے 7 اگست 1979 میں اسلامی انقلاب کی کامیابی کے بعد اپنے ایک تاریخی بیان میں رمضان المبارک کے آخری جمعہ کو عالمی یوم القدس کے طور پر منانے کا اعلان کیا تھا۔
عالمی یوم القدس دنیا کے مسلمانوں کی جانب سے مظلوم فلسطینی عوام کے ساتھ یکجہتی کا اظہار کرنے کا دن ہے، یہ وہ دن ہے جس میں مسلمان، ناجائز صیہونی ریاست کے انسانیت سوز جرائم کی مذمت کرتے ہیں۔
بیت المقدس، مسلمانوں کا قبلہ اول اور دوسری مقدس مسجد، فلسطینیوں کی حقیقی سرزمین ہے جس پر صیہونیوں نے عالمی سامراجی طاقتوں کی مدد سے 1948 میں ناجائز قبضہ جمایا اور اب تک ہزاروں فلسطینیوں کو شہید اور لاکھوں کو زخمی کیا اس کے علاوہ اب بھی صیہونی جیلوں میں ہزاروں فلسطینی بالخصوص خواتین اور بچے اسیر ہیں۔