گوترش پھر اقوام متحدہ کے سیکریٹری جنرل کے عہدے کے لئے نامزد امیدوار
Jan ۱۲, ۲۰۲۱ ۲۱:۰۶ Asia/Tehran
اقوام متحدہ کے موجودہ سیکریٹری جنرل گوترش نے اس عہدے پر ایک اور پانچ سالہ دور کی سرگرمیاں جاری رکھنے کے لئے اپنی نامزدگی کا اعلان کر دیا۔
فارس خبر رساں ایجنسی نے اقوام متحدہ کے ترجمان کے حوالے سے خبر دی ہے کہ سیکریٹری جنرل اینٹونیو گوترش نے اپنی سرگرمیاں جاری رکھنے کے لئے ایک بار پھر نامزد امیدوار ہونے کا اعلان کیا ہے۔
انٹونیو گوترش، پرتگال کے ایک سیاستداں رہے ہیں اور وہ اس وقت اقوام متحدہ کے نویں سیکریٹری جنرل کی حیثیت سے اپنی سرگرمیاں انجام دے رہے ہیں۔
وہ سن انیس سو پنچانوے سے دو ہزار دو تک پرتگال کے وزیر اعظم اور سن دو ہزار پانچ سے دو ہزار پندرہ تک اقوام متحدہ کے ہائی کمشنر برائے پناہ گزیں رہے ہیں جبکہ دو ہزار سترہ میں وہ اقوام متحدہ کے سیکریٹری جنرل منتخب کئے گئے تھے۔