اقوام متحدہ کے سیکریٹری جنرل نے لیبیا کے تمام گروہوں سے داعش کے خلاف متحد ہونے کی اپیل کی ہے-

اقوام متحدہ کے سیکریٹری جنرل بان کی مون نے لیبیا کے تمام گروہوں اور فریقوں سے اپیل کی ہے کہ وہ داعش دہشت گرد گروہ کے خلاف جنگ کے لئے متحد ہو جائیں اور اس گروہ کو پھیلنے سے روکنے کا اقدام کریں- بان کی مون نے کہا کہ لیبیا کے سیکورٹی اداروں کو چاہئے کہ ہاتھ سے نکل چکی زمینی اور بحری سرحدوں پر نگرانی کی صلاحیت پیدا کرے اس لئے کہ ان میں نگرانی کی صلاحیت کے فقدان سے ہی اسمگلروں کی سرگرمیاں آسان ہوئی ہیں- بان کی مون نے پرامن اور سیاسی طریقوں سے تنازعات کے حل کے لئے جلد سے جلد کوئی معاہدہ طے نہ پانے کے سلسلے میں خبردار بھی کیا-