ہندوستان کے زیرانتظام ریاست جموں کشمیرکےہندواڑہ قصبےمیں سیکورٹی اہلکاروں کی مبینہ فائرنگ میں چار افراد کی ہلاکت کےخلاف وادی میں ہڑتال اورمظاہرے جمعرات کو تیسرے دن بھی جاری رہے-

سری نگر سے موصولہ خبروں میں کہا گیا ہے کہ ہڑتال اورمظاہروں کی وجہ سے وادی کے مختلف اضلاع میں معمولات زندگی بری طرح متاثر ہوئے ہیں - اس درمیان انتظامیہ نے ہندواڑہ ،کپواڑہ اور سری نگر کے مختلف علاقوں میں کرفیو اوردفعہ ایک سوچوالیس نافذکردیاہے - کرفیو کے باوجود لوگوں نے سری نگر اور دیگر شہروں میں سڑکوں پر نکل کر مظاہرے کئے-

اطلاعات ہیں کہ مظاہرین اور پولیس کے درمیان جھڑپ بھی ہوئی جس میں متعدد افراد زخمی بھی ہوئے ہیں -انتظامیہ نے انٹرنیٹ سروس بندکردی ہے - اس درمیان وادی میں جاری کشیدہ صورتحال کے پیش نظر ریاست کی وزیراعلی محبوبہ مفتی نے جمعرات کو بی جے پی کے صدر امیت شاہ سے ملاقات کی - ہندوستانی میڈیاکے مطابق دونوں لیڈروں نے وادی کشمیرکی تازہ ترین صورتحال پر بات چیت کی -