عراق کے بزرگ مرجع تقلید آیت اللہ العظمی سیستانی کے نمائندے نے کہا ہے کہ دہشت گردگروہ داعش کے خلاف عراقی فوج کی جنگ جاری رہے گی

آیت اللہ العظمی سیستانی کے نمائندے عبدالمہدی کربلائی نے جمعے کو کربلائے معلی میں نماز جمعہ کے خطبوں میں اس بات کا ذکر کرتے ہوئے کہ عراقی افواج دہشت گرد گروہ داعش کو ملک سے نکال باہر کرنے کی کوششوں میں مصروف ہیں کہا کہ داعش کے زیرقبضہ علاقوں کو آزاد کرانے کی کارروائیوں کے دوران عراقی افواج کا پہلا مقصد عام شہریوں کی جان و مال کا تحفظ ہے -

انہوں نے زور دے کر کہا کہ عراقی افواج کو چاہئے کہ وہ قومی شناخت کی حفاظت کریں جس کو داعش نابود کر دینا چاہتا ہے -