حزب اللہ کے جیالوں نے مشرقی لبنان کے علاقے جرود القاع میں داعش کے ایک اہم کمانڈر ابو خطاب کو ہلا ک کر دیا۔

المنار ٹیلی ویژن نے خبردی ہے کہ حزب اللہ کے جیالوں نے جرود القاع کے پہاڑی علاقے زویتینیہ میں داعش کے ٹھکانے پر میزائل سے حملہ کیا- القاع کا علاقہ، لبنان اور شام کی سرحد کے قریب واقع ہے جہاں گذشتہ ہفتے پیر کو دہشت گردانہ بم دھماکے کئے گئے تھے-

لبنان کے مشرقی اور بعض شمالی علاقے اور خاص طور پر سرحدی علاقے عرسال میں گذشتہ پانچ برسوں کے دوران مسلسل دہشت گردانہ کارروائیاں ہوتی رہی ہیں- دہشت گردوں نے عرسال کے ہی علاقے میں چند سال قبل کئی لبنانی فوجیوں کو یرغمال بنا لیا تھا-