فلسطینیوں کی جانب سے شام اور تحریک مزاحمت کی حمایت
عوامی محاذ برائے آزادی فلسطین نے غزہ مین شام اور تحریک مزاحمت کی حمایت میں اجتماع کیا ہے۔
شام پر اسرائیل کے حملے اور دمشق کے جوابی حملوں کے بعد ہونے والے اس اجتماع کے شرکا نے اپنے ہاتھوں میں فلسطین، شام، ایران اور حزب اللہ کے پرچم اٹھا رکھے تھے اور وہ شامی فوج کی شجاعت و بہادری تعریف و حمایت میں نعرے لگا رہے تھے۔
عوامی محاذ برائے آزادی فلسطین کی مرکزی کمیٹی کے رکن ہانی الثوابہ نے حاضرین سے خطاب کرتے ہوئے کہا کہ شامی فوج اور مزاحمتی قوتوں نے صیہونی حکومت کی جارحیت کے مقابلے میں اپنی طاقت و توانائی کو ثابت کر دیا ہے۔
انھوں نے عرب امتوں پر زور دیا کہ وہ اسرائیل کی جارحیت کے مقابلے میں شامی فوج اور مزاحمتی قوتوں کی حمایت میں اٹھ کھڑے ہیں۔
انہوں نے کہا کہ اب وقت آگیا ہے کہ عرب اقوام، تحریک مزاحمت کی حمایت اور امریکہ و اسرائیل کے خلاف صدائے احتجاج بلند کریں۔
